*dette seminaret er kun åpen for helsepersonell*

Overgangen frå ungdom til ung vaksen er for mange ei krevjande og kompleks tid. Forsvarsmekanismar  som tidlegare har sikra tilknyting og lojalitet til kjernefamilien, kan no stå i vegen for utviklinga av ein sjølvstendig identitet. Desse mekanismane  som har beskytta både den unge og familien mot vanskelege kjensler, kan ofte bli ei kjelde til symptom og psykisk smerte.

I dette foredraget vil Lied vise korleis ein kan arbeide med slike forsvar og med dei underliggjande kjenslene mekanismane held på avstand. Gjennom teori og videoopptak frå reelle pasienttimar demonstrerer han korleis ein, på ein måte som tek vare på arbeidsalliansen, kan hjelpe unge pasientar til å legge bort symptomskapande avverjestrategiar. Når dei undertrykte kjenslene blir delt og forstått, står den unge betre rusta til å utvikle berekraftige og meir autentiske relasjonar -  også til medlemmane i kjernefamilien.

Fordi det vil bli vist konfidensielle videoopptak, er seminaret berre ope for helsepersonell med teiingsplikt. Pasienten på videoen har sjølvsagt gitt informert samtykke til at bruk i undervisningssamanheng.

Dei to miniseminara til Lied bygg på kvarandre. For best mogleg utbytte blir det anbefalt å delta på begge, men det er òg mogleg å delta på berre eitt av dei.